កាលពី២ឆ្នាំមុនខ្ញុំបានផ្តេរការសិក្សាពីកម្ពុជាមកក្រុងយ៉ាត្សឹសុីរ៉ូ ហើយក៏ជាប់ចិត្តនឹងទីនេះជាខ្លាំងព្រោះទីនេះ គឺជាក្រុងតូចមួយដែលមិនចង្អៀតណាស់ណា ហើយក្រុងនេះក៏មាននូវប្រាសាទ និងទីសក្ការៈបុរាណជាច្រើនដែលជាឃ្លាំងវប្បធម៌ដ៏សំខាន់សម្រាប់ទីក្រុងគូម៉ាម៉ូតុ។ ការសិក្សានៅសាលាបច្ចេកទេសជាតិគូម៉ាម៉ូតុបានផ្តល់ឱកាសឲ្យខ្ញុំទទួលបាននូវបទពិសោធ ទាំងផ្នែកជីវិត និងចំណេះដឹងជាច្រើនក្នុងផ្នែកនិម្មាបនកម្មទាំងបុរាណ និងសម័យ។ លោកគ្រូអ្នកគ្រូចិត្តល្អហើយតែងតែប៉ះប៉ូវនូវចំណុចខ្វះខាតរបស់ខ្ញុំដែលជម្រុញឲ្យខ្ញុំទទួលបានការអភិវឌ្ឍយ៉ាងច្រើន៕